Новости

Сәкен театры ұжымы 2014 жылдың қараша айының 10-12 жұлдызы аралығында Тараз қаласында өткен «Тұңғышбай Әл-Тарази Таразға шақырады» атты актер өнеріне арналған I Халықаралық театрлар фестиваліне У.Шекспирдің «Король Лир» қойылымымен қатысып, театр артисі Мемлекеттік сыйлықтың лауреаты, Қазақстанның еңбек сіңірген артисі Кеңес Жұмабеков «Актер өнеріне қосқан үлесі» номинациясымен Король Лир ролін шебер орындағаны үшін марапатталды.

6 шілде күні С.Сейфуллин атындағы Қарағанды облыстық қазақ драма театры ғимаратының алдында өтетін «Астана» күніне арналған мерекелік концертті тамашалауға шақырамыз.

Келіңіздер. Көріңіздер!!! Басталуы сағат :15 - 00 де

Желтоқсан айының 6 күні Сәкен театры ұжымы гастрольдік іс-сапармен Астана қаласы, Қ.Қуанышбаев атындағы музыкалық драма театры ғимаратында Р.Мұқанованың «Ешкім де кінәлі емес» /драма-абсурд/ атты спектаклін Астана қаласы жұртшылығына ұсынған болатын. Осы аталмыш қойылымды тамашалауға келген барлық көрермендер өз ықыластарын білдіріп, театр ұжымына ризашылықтарын білдірді. Сондай-ақ, спектакльді көруге арнайы шығарма авторы Р.Мұқановада келіп, өз ойымен бөлісіп, қойылымның өте жоғары деңгейде өткендігін айтып өттті.
/Реж: ҚР Мәдениет қайраткері Б.Киекбаев/

Кешелі-бүгін Орал театрының сахнасында ҚР Еңбек сіңірген артисі, ҚР Мемлекеттік сыйлығының лауреаты Кеңес Жұмбаековтің «Адасқандар» әлеуметтік драмасы көрермендер назарына ұсынылды. Күніне үш рет қойылса да, «Адасқандар» драмасына көрермендер қызығушылығы өте жоғары болды.

ҚР Еңбек сіңірген қайраткері, «Парасат» орденінің иегері, облыс әкімінің мәдениет мәселелері жөніндегі кеңесшісі Рымбала Кенжебалақызы Омарбекова бастаған қарағандылық делегацияны ҚР еңбек сіңірген артисі, актер-драматург Кеңес Жұмабеков пен «Құрмет» орденді актриса Гүлсара Рәшқалиеваны 70 жасқа толған мерейтойына орайБатыс Қазақстан облысының әкімі Алтай Сейдірұлы Көлгінов арнайы қабылдап,оларға жерлестері атынан сый-сияпат жасады. Сәкен театрының директоры, «Құрмет» орденінің иегері Сансызбай Нұрсияұлы Бекболатов облыс әкімін театрдың шығармашылық жоспарымен таныстырды.

85 жылдан астам тарихы бар, Халықтар достығы орденді Сәкен театры өзінің 87-ші театр маусымын жазушы-драматург Рақымжан Отарбаевтың " Фариза мен Мұқағали" лирикалық драмасымен ашты. Спектакльдің қоюшы-режиссері Нұрлан Жұманиязов. Қойылымға қазақтың қос ұлы ақындары - Фариза мен Мұқағалидың арасындағы поэзия тәрізді тұнық та таза қарым-қатынас пен биік адамгершілік асыл қасиеттер, сонымен қатар таланттарды көреалмайтын пенделердің ұсақ тірліктері арқау болған.